Ultimas galerias, as

Name: Ultimas galerias, as
SKU: 114728
Availability: OutOfStock

Autor:Álvarez Cáccamo Xosé María

SKU: 114728

El precio original era: 18,50 €.El precio actual es: 17,58 €.

SIN DISPONIBILIDAD

Despois de variadas incursións na literatura infantil e logo de publicar dous libros memorialísticos, o autor de Vento de sal dá ao prelo esta novela de evocación coa que pescuda nos enigmas do pasado que, como borranchos que van perdendo senso coa distancia, precisan volver a ser decodificados e rescatados desa liña de sombra na que aparentemente parece acabar por ensumirse toda existencia. Algunhas das mellores páxinas do Cáccamo prosista atópanse neste relato de ausencias recuperadas e presenzas que se perden nas galerías últimas da vida. A capacidade descritiva, que no poeta é intuición para os símbolos, no narrador transfórmase en potencia para dramatizar as situacións, para illar e extraer delas os elos da cadea argumental, a sintaxe narrativa dos momentos e das vivencias ancoradas nun pasado que a memoria da anciá protagonista case non logra reter. O narrador, que simultaneamente é personaxe, debrúzase nas situacións, pois para Cáccamo, coma para Jean-Paul Sartre, a novela é un teatro de situacións. O relato elabórase a partir dunha indeterminación radical da situación, xa que tanto en Sartre coma en Álvarez Cáccamo, os feitos son irredutibles mais non determinan a existencia. O paradoxo da liberdade, como escribe Sartre, é que «só hai liberdade nunha situación e só hai situación pola liberdade»; a situación caracterízase pola súa continxencia e pola súa ambigüidade. Ao depender da liberdade, a inserción do significado na existencia fai que esta deixe de ser un longo río tranquilo, pois a través do senso a liberdade quere fixar unha relación co mundo que ha de ser necesariamente indeterminada para dar lugar ao porvir e para producir o mundo. Na novela de Álvarez Cáccamo, esa acción libre sobre o porvir reconstrúese cara ao pasado, o significado é a verdade que se lles quere escapar entre os dedos aos personaxes e, se cadra, se a novela é efectiva, tamén se lle ha escapar a quen le. Pois cómpre «conducira […] vida por onde a levan as horas, sen proxecto, sen peso, sen medo».

Leer menos

Sin existencias

Categorías: Ficción general, Ficción moderna y contemporánea

Información adicional

Información adicional

Dimensiones	13,5 × 1,1 × 21,0 cm
Paginas	204
Editorial	Galaxia
Idioma	Galego
Encuadernación	03
ISBN	9788498656190
Año de edicion	2015
Fecha de lanzamiento	062015
Numero de la colección	337
Autor	Álvarez Cáccamo Xosé María