Jostailuak

Name: Jostailuak
SKU: 335584
Availability: InStock

Autor:Rubio Herrero Antonio

SKU: 335584

El precio original era: 9,50 €.El precio actual es: 9,02 €.

RECÍBELO O RECÓGELO EN 72/96 HORAS

Neska-mutikoek nola beren zentzumenen, alderdi psikomotorraren eta adimenaren garapenerako, hala sozializazio eta ulermenerako erabili ohi dituzten objektuak biltzen ditu “Jostailuak” liburukiak: haurren txintxirrina eta pilota, esaterako, baina, horietaz gain, egurrezko piezak edo ipuinak ere tarteko dira. Ilargian Kulunkantari bildumako izenburu berria da, eta 0 urtetik 3 urtera bitarteko neska-mutikoei zuzendurik dago. Bildumaren egilea den Antonio Rubioren esanetan, piktograma poetikoa edo Poegrama “begia hezten” eta “belarria eztitzen” lagunduko dien poesia modalitate bat izendatzeko modua da. Kolore biziz horniturik dauden liburukion proposamen estetikoa, 1999 urteko Ilustrazio Sari Nazionala jaso zuen Óscar Villánen eskutik datorkigu. Artisau-lana da berea, erraz antzematen diren pintzelkadaz eta tonalitatez hornitua; ehundura horiek guztiak ukitzeko modukoak dira batzuetan. Irudia nabarmen gelditzen da hondo argiko alderdian: marrazkia soil-soila da, eta erraz antzematen da, artistaren beraren ukitua bistan-bistan gelditzen delarik. Bi sortzaileon ekarpen literario eta plastikotik abiatuta, KALANDRAKAREN lana zera izan da, bi aldeak uztartzea, sortze-prozesua bideratzea, eta, azkenik, argitalpenaz arduratzea. Ilargian kulunkantari bildumako liburuki bakoitza ariketa poetiko soil-soila da, baina aldi berean, musikaren indarra ere bere-berea du. Horren bidez, haurrak ezkerretik eskuinera eta goitik behera nola irakurri ikasiko du, eta, era berean, orrietan aurrera egin ahala bertsoen joan-etorriari bide ematen zaiola ere ohartuko da. Ilustrazioek berebiziko garrantzia hartzen dute grafiaren aldean. Irudi irakurterrazak dira eta hitzak bezalatsu artikulatzen dira, zenbaturiko silabekin; bertsoen eran eratzen dira: era ordenatuan, neurturik, erritmoaz eta errimaz; lehenengo urteetatik hasita modu autonomoan irakurriak eta melodiaren bidez kantatuak izan daitezen pentsatuta daude. Liburuki bakoitza poema oso bat da, eta haur kantutegiko egitura poetikoa oinarri duela eraikitzen da (bertso oktosilaboa, errepika edo leloa, enumerazioa…), usadioko kantutegiko bitartekoak erabiltzen ditu (oihartzunak, errimak, erritmoak…) eta, bestalde, lehengo urteen interesguneei ederki lotzen zaie. «Ilargian kulunkantari» liburu-bilduma 6 hilabetetik aurrerako neska-mutikoei zuzenduta dago, eta beraientzat berariaz ondu dira piktograma poetiko edo poegrama hauek guztiak.

Leer menos

Hay existencias

Categorías: Álbum ilustrado, Libros ilustrados infantiles, Para los más peques-Bebés, Primeros años/conceptos de aprendizaje temprano

Información adicional

Información adicional

Peso	198 g
Dimensiones	16,0 × 16,0 cm
Paginas	18
Idioma	Otros
Encuadernación	02
ISBN	9788491722274
Año de edicion	2021
Fecha de lanzamiento	092021
Autor	Rubio Herrero Antonio
Edad Interes Minima	0
Edad Interes Maxima	3