Este ano celebramos por primeira vez o Día das Letras Galegas cun 10% de desconto durante dous días consecutivos: o venres 16 e o sábado 17 de maio.
Este 2025 a Real Academia Galega decidiu adicar este día ás cantareiras, mulleres que desempeñaron un papel fundamental na preservación e difusión da música e tradición oral galega.
O seu labor converteunas en figuras imprescindibles da identidade galega. A continuación suxerímosche algunhas lecturas para achegarche ao seu mundo e comprender mellor o seu legado.
Adolfina, Rosa, Eva, Prudencia, Asunción e Manuela son os nomes de seis das moitas cantareiras ou pandeireteiras que ao longo do tempo crearon e conservaron unha cultura popular oral que foi transmitida de xeración en xeración. O libro Canta, miña compañeira lévate de viaxe ao seu tempo e ao seu lugar.
Por outra banda, o álbum ilustrado Sei cantar e sei bailar conta cun apéndice informativo e cunha web para traballar na aula: “Tocaremos coa pandeireteiras de Mens, cantaremos con Adolfina e Rosa Casás e bailaremos con Eva Castiñeiras para homenaxear a todas as mulleres anónimas que teceron, amaron e transmitiron a nosa cultura popular ao longo dos séculos.”
En As Vellas de Mens José Manuel Fernández Pensado (Manel de Aturuxo) achéganos un relato de primeira man desde a perspectiva de quen as viu aparecer en 1972 e coas que conviviu artisticamente durante vinte anos, compartindo infinidade de vivencias con elas e as súas familias. Relátanos como foi posible que unhas mulleres labregas xa maiores se integrasen nunha agrupación folclórica por espazo de tanto tempo, quen eran, cal era a súa contorna, os seus devezos e o que significaron para o eido folclórico galego.
Cantareiras fai un percorrido polo legado da tradición oral popular a través das Vellas de Mens, Eva Castiñeira e Adolfina e Rosa Casás da man da pandeireteira Icía Varela e o investigador Xosé Manuel Varela
Ademais, os Bolechas tamén se suman á celebración das Letras Galegas cunha publicación para os máis pequenos adicada ás cantareiras.
O Día das Letras Galegas 2025 non só honra a memoria das cantarreiras, senón que tamén nos permite conectar coas nosas raíces e valorar a diversidade cultural que nos rodea.
Feliz Día das Letras Galegas!
